Ангараг гариг дээр томоохон гол хэдэн сая жилийн өмнө урсаж байсан хэмээх баталгаа олдоод удаагүй байгаа ч эрдэмтэд дахин шинэ дуулиант олдвор илрүүлжээ...

Өнгөрсөн наймдугаар сарын 6-нд Ангараг гариг дээр буусан "Curiosity” төхөөрөмж тус гаригаас органик молекул илрүүлсэн гэнэ.

Энэ нь амьд биет буюу органик молекул үүсэхэд чухал нөхцөл бүрдүүлдэг эд юм байна. Онолын хувьд дэлхий дээр амьдрал үүсэх үед л органик молекул бий болсон аж. Эл молекулыг судалснаар тус гариг дээр амьдрал байсан болон байх боломжтой, эсэхийг мэдэх гэнэ. Гэхдээ НАСА-гийн эрдэмтэд яаран дүгнэлт гаргаж, шуугиан дэгдээхээс болгоомжилж, олон нийтэд мэдээлэл өгөхөөс татгалзаж байна. Уг нь органик молекулыг сар гаруйн өмнө илрүүлсэн бөгөөд өдий хүртэл ам нээгээгүй ч зарим судлаачдын шахалтаар арван хоёрдугаар сарын 3-нд хэвлэлийн хурал хийж, энэ тухай албан ёсоор мэдээлэх болжээ.

Дашрамд дуулгахад, Ангараг гариг дээр амьдралын үндэс байгаа, эсэхийг судлах зорилготой эл төслийг хэрэгжүүлэхэд НАСА одоогийн байдлаар 2.5 тэрбум доллар зарцуулаад буй аж.